經過2天的休息， 今日要出去完全感受蘇梅的陽光與海灘。
蘇梅常玩的外島遊有兩個，第一係龜島Koh Tao及南幽島Koh Nangyuan(分快艇、大船及隻體船團)，第二係安通國家公園Antong National Park(分快艇及大船團)，兩個團各有等色。我哋就選擇比較舒適及多人玩的龜島及南幽島雙體船團，每人不包接送1,500B，貴咗少少。
由於我哋間酒店很近碼頭，所以我哋可以先係酒店享受sunbath早餐，然後快步7:40到碼頭報到，每人取登島coupon、汽水卷(雙體船用，每人兩小杯)、label、手帶及浮潛用品(記得要好好保管，如果唔係要承惠1,000B)。
呢間公司有兩隻雙體船，我哋搭細的一架，有兩層，大的一架有三層。他們在碼頭提供早餐，牛角包及啡或茶。約8時15分開船出發，船程約個半小時到達南幽島，途中一段時間完全望唔到陸地，如果天氣唔好記得食暈浪丸。感恩玩的當日好好天氣，但為安全著想去程都有食一粒。呢間公司全程有個攝影師拍照，他會穿全套裝用水底相機幫d團友拍照，都很pro及d相都影得幾靚。
船倉內有冷氣及電視播電影，亦有室外位可以吹海風
以下相片是用防水袋影的，所以有時有黑邊，敬請見諒。到步後要轉船前往龜島浮潛點，初時以為係細船(舢舨)，但原來係一隻大船，有兩層。下層有水提供飲用及沖身，亦有枱、椅、洗手間及救生衣，上層有好多張沙灘椅。船駛咗大約20分鐘到達一個內彎泊船，簡單briefing後就可以落水，有約個半鐘玩。原來龜島是不可以餵魚，我仲買咗一大條面包
。
就係坐呢隻船往龜島
由船向浮潛點拍的，落水位置約5米深。
可能因為流水關係，當日水不太清。
水中珊瑚不算很多，而且有好多死咗
大的珊瑚較靚，但魚不多及不集中。
見到圖中有咩生物呢？
位於相的下方有大海蔘一條。
玩完後就到南幽島午餐及玩下半場。
沒有留言:
張貼留言