10年4月12日之釣行 (發表於20100413)

日期：2010年4月12日(一)

釣手：小弟、我老豆及2個老豆的釣友

天氣：4-5級風，下午轉晴

地點：西水一帶

艇家；山歌仔

魚獲：鱸魚x4(10斤X2、4斤x1、斤頭x1)、斤頭牙點x1、紅魚x2、斤頭連尖x1、青斑仔、芝麻斑仔、火點仔、牙點仔、石九、石釘、花頭梅等等，全艇約合共30斤

 

原本復活節去西水艇釣，但遇到大風無奈放棄。星期六收到老豆電話，問星期一去釣好唔好，當然係好啦。於是我地一行四人去釣西水。

 

感恩今日天氣好好，早上天陰，中午開始出太陽。我哋先到海中心作釣，老豆個friend先中條斤頭鱸魚，之後我食一下，頭番個蝦頭，有經驗的人話我知應該係黑沙作怪。之後我用中蝦中條石九，魚同蝦一樣size，真的很過份。跟住轉位，艇家表演開始，中條10斤大鱸及2條紅魚。

第一條大鱸上水
 
之後轉位，我老豆中條斤頭牙點，而我就無咩魚食餌。艇家又中條4斤鱸。下午開始有多的魚食餌，各人開始起石釘、斑仔、點仔，老豆另一個friend中條斤頭連尖。我就只有魚仔及一條小芝麻釣到，轉釣大蝦又有一口食餌，但都係經歷不足，頭番個蝦頭。真的要努力學習，儲錢出多的艇至得。
 
之後我哋去最後一個釣位，艇家中多條10斤大鱸。今日真係大開眼界及獲益良多。今次是第2次釣鱸，大約已掌握試水的技巧。
 

全日魚獲
 

3條鱸魚合照
 

借條鱸魚影相，希望下次到我啦。
 

下之去希望多些魚開口，過多的手癮。