2012年3月5日之釣行 (發表於20120309)

日期：2012年3月5日(一)，二月十三

地點：西水一帶

天氣：大部份時間陰天，部份時間有陽光，2-3級風

艇家：木根叔

釣手：老豆、老豆friend、Polo及小弟

近期心情欠佳，原本連釣魚都唔想。但感恩到釣期前，心情已有改善，所以今次有散心的作用。

天文台預計吹東風4-5級後轉東南風4-5級，所以之前都有想可否出外，但與根叔商討後，他說星期日再大風都照出，所以我們出去搏一搏釣回頭鱸。

出發時內港風平浪靜

話說回來，原本是訂了山歌仔的釣期，但他忘記了，好在根叔有期，否則可以在家休息。

今日天氣都算很好，不太冷又不大風，但由於水溫仍凍及全日大部份時間都冇流，所以甚少魚食餌。

全個上午釣了很多個深水位都冇魚，後來轉釣內灣，根叔發威，連上2條好野，一條斑王黃勒約3斤半至4斤，之後再上條斤頭紅斑。我哋又坐定定看表演。艇王上斑王。我就做魚僮，撈魚。

早上大部份時間都有霧

下午食完飯後都冇氣色，多個位都冇魚食餌，連或仔都冇。到了約3時多開始有d流，是全日最多魚食餌的時間。各人都有或仔起到。不過表演嘉賓仍是根叔，先上條半斤鱸仔，之後連上2條9-10斤大鱸，d鱸都唔識死，食根叔d餌，就算包樁都比根叔帶出，最後上多條斤幾鱸仔。如果食我副絲，起碼有機會逃出生天。

下午有陽光

全日魚獲：鱸魚x4(磅頭至10斤)、黃勒x1(3斤半至4斤)、紅斑x1(斤頭)、石釘x1、花或x約15(幾兩)，共約30斤。我們4個人加埋釣到都唔夠根叔10份1重量。

後記：今日有食神，有斑王食，非常正。