2011 @ Koh Samui 蘇梅島後記 (發表於20110330)

期實想寫呢一篇後記好耐，但無奈整個三月都好忙，唯有等到現在才寫。

蘇梅是一個非常值得去鬆一鬆的地方，她沒有布吉及芭提雅的熱鬧及沒有大型商場，如果只喜歡shopping的你，切勿到此地。但如果想近近地遠離繁華之地，及喜歡sun and sea 的你，這都算一個好地方。蘇梅消費唔算平，如果於一般店舖shopping，一定講價。

我就試試用以下分類給各位參考，希望幫到大家。

A. 交通：

香港至蘇梅

由香港到蘇梅每日都有直航機(約130個位)，但時間不太好，會前後都冇咗一日。但由於機位有限(約130個位)，所以要早些訂位。

另可以由曼谷、布吉及新加坡等地轉機，當然以曼谷最多，差不多每小時都有機。但機位有限，每班機約坐70-80人。
還有一個方法，就係由曼谷坐雙體船。
當地交通
當地交通交通不平，特別由機場至各區，只有定價van或taxi，不能議價。所以通常都要好好利用酒店的packup service。市區內有兩排車或的士，乘坐前記得議價。如果你有車牌，可以租電單車或私家車，島內行一個圈包觀光都係一日內的事，但記住要望鏡，小心d電單車。

B. 住宿
島內除咗椰子樹及電單車之外，我覺得最多就係酒店。價錢分別很大，但我唔建議住太近大街(Chaweng 或 Lami)的酒店，可能會好嘈。其他就真係各按所需。

C. 飲食
蘇梅的天氣除了雨季外日間會很熱，最需要補充水份，四圍都會有便利店補，好方便。飲食同住宿一樣，豐儉由人。有5星級的dinnig on the rocks & dinning on the mountain.亦有平價的雞飯及麵，但對於食慣新鮮海鮮的香港人，當地的海鮮真的只好試一次。當然食地道泰菜會最穩妥。由於當地有好多西方遊客，所以差不多每間餐廳都有牛排、漢堡及意粉。除此之外，pancake亦是值得一試。

D. 外島遊
島上有好多agent，最緊要講價。如果去南幽島及龜島，我建議坐雙體船的團，會舒服好多。

E. 唱錢

島上有多間銀行及找換店，價位不同，行多兩間一定有著數。亦可以在香港百年唱定。