昨晚已經由Mr. Wanchai協助下book咗車自駕遊。由於唔想太辛苦，約咗10點鐘取車，租咗Toyota Vios包全保，因個人問題發生意外墊底費5,000B。
今日我哋向東行，順時針方向環繞蘇梅島一周。第一站，Fisherman Village。但其實呢到見唔到Fisherman，只見到很多商店及食店。
之後我哋開車向機場方向，途經大佛，我哋唔會入。之後打算去著名食店"Dining on the Rocks"參觀，呢間食店位於5星級酒店"Six Senses"內，但由於只做晚市，冇得參觀。酒店個職員介我們到"Dining on the Hill"，但我哋budget有限所以走人。
想知間酒店多d資料，請看他們的網址
http://www.sixsenses.com/SixSensesSamui/
離開後我們就向南駕駛前往Chaweng Beach，由於之前已行過，所以只作短站停留 及到supermarket補給飲品。
蘇梅自駕遊不太難，基本上有個方向概念，另一個按地圖帶路就可以。但地圖不詳細，好多地方都冇指示或唔夠清晰，如果過咗可以小心掉頭。蘇梅自駕遊我覺得最緊要小心電單車。
過咗Chaweng beach往Lami Beach途中會經過一個view point，能看到一望無際的海景及Chaweng beach景色。
短站停留後就去"The Cliff"餐廳，間餐廳同個名好襯，位於cliff之上，個view無得頂，我哋逗留咗近2小時，原本只打算只飲杯野，但最後order多2 個小食當lunch。
食完晏就落Lami Beach，點知行錯路，沒有駕入大街，但感恩錯有錯著我哋去咗Tesco Lotus大型超市買手信。之後返轉頭入Lami大街，就離開去另一景點：阿公阿婆石，係咩，去相。
去呢到泊車可以泊大路旁行入去，大約行10 分鐘。千其唔好泊大路外寫住的停車場，一來要20B，二來行小路入去較難行。或者按大路牌駕入泊小店旁的停車場，都係20B。
睇完石頭我就打算睇日落及食晚飯，於是向西行駕，但找唔到合適餐廳，所以到Nathon馬路邊停下等日落，但忽然落大雨，但感恩仍有日落睇。
睇完日落打算入立通市唱錢，但所有銀行已關門，唯有到其他地方唱。
接著駕車前往Big C shopping，Big C係有2層的商場，感恩有錢唱3.81，比之前低。我哋係Big C food court晚飯及shopping。之後打算到酒店最近的油站入油，點知收咗(10點未夠)
。
沒有留言:
張貼留言