日期：8月23日(一)
天氣：4-5級風、間中天晴及有雨，大生流及大黃水
釣手：小弟、老豆、豪哥及Polo
艇家：山歌仔
釣點：西水青山灣一帶
魚獲：鱸魚x1(約5斤半)、青斑x2(約斤半)、牙點x6(5-10兩)、牛屎x1(約斤半)、黑沙x1(約斤半)、釘釘x7、或仔x3，共約15-16斤。
己有成個月無出西水，今次一早已約好出西水，目標魚係斑斑。
出發前已知有風會係南海形成，會有大風及大雨，於是為此禱告，希望有合適的天氣可以出發，感恩如常出團，整日都冇雨，但看到有石湖於大嶼山向澳門，感謝主冇影響我們。
我們先到三聖食個早餐再買糧水出發。由於大風及大湧，成個海都係黃色，心感不理想。出到釣點豪哥先起條牛屎，喜出望外，之後豪哥又起條青斑，但於水面走了，我都有少少責任，因為我慢了用撈箕。
之後各人陸續起魚，艇家起黑沙，老豆起斑斑，Polo起惑仔及牙點，共有我在看人起魚。突然艇家有大野，條魚都幾好力，以艇家的功力我都知不少野，到水面時知道是鱸鱸一條，由豪哥撈，但撈了三次才能上水，呢的機會我一定唔會爭取。上水條魚都唔細，但條魚好瘦，否則起碼過7斤。之後各人只有少量魚起到，好彩我都起條牙點及釘釘，否則今次打龜。
上午的魚訊以今日的水質來說算幾好，但由11時多至3時多的4個小時完全沒有魚食餌，下午我們轉位都沒有收獲，我食了一下餌，全隻大蝦被偷了，這是太早抽絲之過，下次有經驗要忍手。直至轉流後Polo才發威，起到2點。
今日我全日只有3口食餌，起了2條魚仔，成為最差的一個，唯有下次努力。但真的很感恩，可以出海已很好。
2條魚上枱，但唔知與菲律賓脅持事件有冇關係，2條魚才過火，真浪費
沒有留言:
張貼留言