日期：2011年6月20日(一)
地點：西水
天氣：東南風4級，好晒
釣手：老豆、豪哥、Polo及小弟
艇家：山歌仔
近期又係好忙，釣完魚都冇時間寫blog
。由於夏天日水冇大魚釣，但通常魚仔會密口，但今次比d不速之客密密口KO咗我一副魚絲、好多鈎及鉛
。
今次又一早起身，真辛苦，但前一日都叫早睡，先叫瞓咗5個鐘。一早出發食個早餐，用咗45分鐘先入油，再車去釣點。由於我們怕晒，所以一早請山歌仔出秘密武器，先開天幕以免中暑。
今次全日都釣淺水，全日用幼絲作釣，第一個釣點最好魚，每次一樣由山歌仔上第一條魚，有火點及目標魚黃腳釣到，而我就中咗條會飛水的斤頭牙點，2號絲條魚當冇到，走好幾次水都未上到，一到水面就飛，仲要燒手，但都KO咗條魚。應該有斤多，其他釣手都有魚起到，包括黃腳，全船就只有我全日都冇黃腳釣到。Polo都話幼絲釣黃腳好好飛，又好食。
中午過後釣況轉差，這也是常見之事。今日又有豆花食，但冇咗燕麥。
今日我冇咗副2號絲，有時都未到底就比d雞泡剪斷，損失無數鈎、鉛及蝦。最後所有蝦清倉走人(好似第一次)。
全日魚獲：黃腳x10(4-8兩)，牙點x3(5兩至斤頭)，火點仔x10幾，芝麻仔一條，石釘、石九、石崇、泥鯭共約20斤到。
沒有留言:
張貼留言