日期：2011年4月11日(一)
天氣：東風2-3級，死流水清
艇家：山歌仔
釣手：小弟、老豆及Polo
魚獲：鱸魚X3(6斤半, 8斤14, 9斤8)， 青斑X2(約5斤,約 斤半)， 紅斑X1(約2斤 )， 牙點X2(約斤頭) ，雜魚少許，共超過三十斤
個friend幾個月無釣魚，我哋懷著興奮心情出發。今日早上微風，可以開盡油去釣點。到達第一及第二釣點都冇魚食餌，上次在其中一個釣點有好多魚上到。轉位後有d魚仔食餌，由Polo開齋，但不是今次之目標魚。所以山歌仔車我哋去另一個排口，今次有料到，我中咗鱸魚，但因自己用的帶腳太細，斷咗
，當然經教導後即刻用番粗帶腳。過咗唔知幾耐，又有魚餌，抽中魚之後條魚都有d力水，仲會炮水添，玩咗一陣之後終於收條魚，釣到6斤幾鱸魚好開心。山歌仔話我之前斷個條細好多，下次唔好買平絲先得。
山歌仔想釣馬友，所以又轉位，今次到山歌仔中魚，正當山歌仔上魚之時我又中，當然山歌仔輕易就收服咗條魚，而我就要花點功夫先可以，山個仔釣個條大d。之後我以為有垃圾，收絲時發現係魚，由於水清仲有10多尺已見到係斑，原本我打算抽上艇，但上水前山歌仔見到係紅斑，即刻快步幫我撈魚。
目標魚不見，我哋下午又轉位。釣點有紅潮及冇流，下午山歌仔起咗2 條牙點， 一條青斑。走之前有馬友食餌但鈎唔中，於加時期間我個friend釣鈎頭第一條魚上水，他非常興奮。
沒有留言:
張貼留言