09年8月20日釣行 (發表於20090825)

日期：09年8月20日(一)

地點：將軍澳出艇仔

釣獲：紅魚x1,石崇x2,花頭梅x5,連尖x4,石狗x1,牙點x1,青斑BBx2,

天氣：天晴, 有微風

 

期望很耐的釣行終於成行,今日天氣比預期更好太陽,但感恩的是有微風,所以沒有中暑.今日相約polo於將軍澳站等,我先去西貢買餌.今次怕凍死蝦,所以帶了兩個冰箱,一個只用雪種養蝦,另一個就放雪及冰飲.此安排很好,約8成多的蝦能存活.

我們先去食個豐富早餐,再出發.今次polo醒目,食定暈浪丸,因為去到釣點附近有點湧口,我都即刻食番粒,以防冇得釣.

今日全日都疏口,但已經冇晒那些紅立仔.我們先去上次見人走紅鮋的位置試試,但冇魚訊.過了一陣polo終於上魚,先是連尖bb,跟住有條花頭梅.

 
polo釣到魚,size都ok啦.但我就冇魚,過了陣有部釣艇到我們附近,他們釣了一陣就有條大魚起到,但由於有點距離,我估是紅魚或紅鮋,應該一斤左右.又過了幾個字,見冇魚就走位.
換位冇耐就有魚上釣,先是花頭梅仔,都ok啦有返心機.

打直影張先,裡面有3隻蝦仔.

今日所有魚都食得很輕口,連班仔都是.接住又一口輕口的魚訊,我等一秒後揪一下中魚.開始時只輕輕走,但幾下開始就片水,於是叫polo取撈箕準備.第一次唔中,條魚發惡走人,玩多一陣先再上水,今次ok啦.

哈哈,好耐沒釣過見得人上碟的魚.

呢條魚我用2號絲釣到.

之後釣多條牙點仔.(原本以為是火點,後來老豆更正我)

釣完呢幾條後,流減慢,魚訊也沒有,於是走位,但12點多至5時都只有魚仔.到5時多回程時魚再開口,釣多2條花頭梅及石祟.跟住因為要食飯,走人.但差不多車到時,船尾機打到垃圾,行唔到,call租艇的出來求救,但他只修理,沒有拖我們返去.

後記:今次很感恩,冇中暑,有魚釣,又可以傾計.

下次幾時有得去呢?